Nay wa Mitego aeleza sababu ya kutokutoa albamu

                
Msanii wa Bongo Fleva, Nay wa Mitego ameeleza ni kwanini hatoi albamu huku akitaja mitandao ni moja ya sababu.

Rapper huyo amesema kumekuwa na wizi mkubwa katika mtandao kitu ambacho kinapelekea msanii akitoa albamu haimnufaishi.

“Umeona mfano wa wasanii wawili watatu ambao wamejaribu kutoa albamu hapa katikati hazina faida kwa sababu unatoa albamu ikishaenda kwenye mtandao kila mtu anaenda ku-burn,” Nay ameiambia Radio One.

“Wengine wanaweka kwenye YouTube channel zao, wengine wanaweka kwenye mitandao yao ambayo ukiingia haulipii chochote. Mwisho wa siku unakuta ananunua mtu nmoja au wiwili, watatu lakini zaidi ya watu 1,000 wanaenda kuipata hiyo albamu bure,” ameongeza.