Wananchi wa Geita waonywa kujichukulia Sheria Mkononi

   

Wananchi mkoani Geita wametakiwa kuacha tabia ya kujichukulia sheria kwa kuwapiga mpaka kuwaua watuhumiwa wa uhalifu, hatua ambayo inaweza kusababisha mauaji ya watu wasio na hatia.

Wito huo umetolewa na familia ya bwana Marwa Petro mwenye umri wa 22, mkazi  wa mtaa wa uwanja kata ya Kalangalala Wilayani Geita aliyeuawa juzi kwa kupigwa na wananchi kwa kile kilichodaiwa kuwa alikuwa ni mwizi.

Tukio hilo limetokea Ijumaa iliyopita kwenye mtaa wa uwanja kata ya Nyankumbu wilayani Geita ambapo bwana Marwa  alivamiwa na waendesha bodaboda akiwa kwa rafiki yake ambapo alipigwa kwa mawe na marungu mpaka kupoteza maisha.

Mwenyekiti wa mtaa huo, Joseph Msoma amelaani kitendo hicho cha kikatli na kuwataka wananchi kuacha tabia kujichukulia sheria mkononi ambapo amesisitiza kwamba kufanya hivyo ni makosa.

Jeshi la polisi Mkoa wa Geita limethibitisha kutokea kwa tukio hilo na uchunguzi unaendelea ili kubaini waliofanya mauaji hayo.