Watumishi 34 wa mahakama kuu watumbuliwa

   

Watumishi 34 wa mahakama nchini, wamefukuzwa kazi baada ya tume ya maadili utumishi wa mahakama kujiridhisha kuwa wamekiuka sheria na taratibu za kazi wakati wakitimiza majukumu yao.

Akizungumza na waandishi wa habari jijini Dar es Salaam, Jaji mkuu wa Tanzania, Mohamed Chande Othumani, alitoa sababu za watumishi hao kupumzishwa, “Sababu ya makosa kinidhamu, kuna mmoja yeye alitumia muhuri wa mahakama kinyume cha taratibu na sheria za mahakama.”

Pia jaji Othuman alibainisha mpango wa kuwawezesha wananchi kutoa taarifa kwa watendaji kazi wa mahakama.

“Kwahiyo kila wilaya kama mtakavyoona hapa Dar es Salaam, kuna namba maalum Kinondoni, kuna namba maalum Temeke,na kuna namba moja ile ya taifa tutapata hapa taarifa juu ya hayo mapendekezo au maoni na malalamiko.”

BY: EMMY MWAIPOPO