Mc pilipili aweka wazi mpango wa kuoa baada ya ndugu zake kulalamika

       

Mchekeshaji maarufu nchini, Emmanuel Mathias aka MC Pilipili amedai anasumbuliwa na familia yake kuhusu suala la kuoa.

Akiongea Jumamosi hii, MC pilipili amesema kwa sasa anajipanga kuingia kwenye maisha ya ndoa baada ya kumpata mtu sahihi ambaye anaweza kumuoa.

“Hivi karibuni Mama yangu alikuwa anahojiwa pamoja na wadogo zangu wote wakaulizwa ni kitu gani kinawakera kutoka kwa MC pilipili wakasema hataki kuoa,” alisema MC Pilipili. “Lakini mimi sisemi nataka kuoa kwa sababu ya kushinikizwa, lakini mambo yakikaa sawa nitaoa kwa sababu nina msichana nzuri sana,”

Pia mchekeshaji huyo amesema anaendelea na ziaya yake ya kuandaa matamasha ya kuchekesha mikoani ambapo safari hii anajipanga kufanya tamasha kubwa Dodoma.