Nuh Mziwanda: Mke wangu na muziki wangu ni vitu viwili tofauti

   

Nuh Mziwanda amedai kuwa hamhusishi mke wake na kazi yake ya muziki.

Amedai kuwa mashabiki wake wanaweza kuwa wanamuona kwa nadra jukwaani kwakuwa hatopenda kumhusisha kwenye muziki.

“Yule hahusiani kabisa na masuala ya entertainment, yule ni mke wangu mimi, kwahiyo hahusiani na kazi yangu,” muimbaji huyo alikiambia kipindi cha Supa Mega cha Kings FM kinachoendeshwa na Prince Ramalove.

“Watakuwa wanamuona mara moja moja lakini yeye na huu muziki wangu ni vitu viwili tofauti,” ameongeza.

Tayari mke wake anatarajia mtoto wake wa kwanza na muimbaji huyo. Wawili hao walifunga ndoa wiki kadhaa zilizopita.