Uchunguzi kesi ya Brad Pitt wasitishwa

   

Maafisa wa uchunguzi wa mjini Los Angeles wamesitisha uchunguzi wa madai yanayomkabili Brad Pitt kwa kuwanyanyasa watoto wake mwezi Septemba mwaka huu wakati wakiwa kwenye ndege binafsi na familia yake.

Msemaji wa idara ya watoto na huduma za familia waliokuwa wakichunguza madai hayo na maafisa wa Los Angeles, amesema idara hiyo haiwezi kuthibitisha iwapo maafisa wake walimchunguza Pitt.

Kwa sasa Brad anapambana kupata haki ya kuweza kukaa na watoto huku akiwa ameshatengana na mkewe [Angelina Jolie] ambaye amefungua kesi ya kudai talaka.

Wawili hao wana watoto sita.