MTU MMOJA AMEFARIKI DUNIA BAADA YA KUZAMA KATIKA BWAWA LA MAJI MKOANI GEITA.

 Mtu mmoja  amefariki dunia baada ya kuzama katika bwawa  la maji   lililopo mtaa wa njia panda katika mamlaka ya mji mdogo wa katoro wilayani na mkoani Geita.

 

Tukio hilo limetokea  mapema hapo jana majira ya saa kumi na moja jioni  ambapo mtu  huyo alikuwa akioga katika bwawa hilo akiwa na wenzake baada ya mda mfupi alipotea ghafra kutokana na bwawa hilo kuwa na kina kirefu ndipo  baadhi ya wakazi katika eneo hilo walipo  jitokeza na kujaribu kumtafuta ndani ya bwawa hilo lakini hawakufanikiwa kumuona , ndipo shughuli za kumtafuta mtu huyo zimeendelea tena  mapema hii leo na mnamo majira ya saa sita mchana  mwili  wa marehemu huyo umefanikiwa kuonekana .

Mwenyekiti wa mtaa huo bw michael chuma amemtaja alie fariki dunia kuwa ni kamugisha budodi mwenye umri wa miaka 14 mkazi wa kijiji cha mapinduzi wilayani chato na alikuwa mwanafunzi  wa darasa la  tano katika shule ya msingi mapinduzi .

Bw chuma amewata  wazazi na walezi katika mamlaka ya mji mdogo wa katoro  kuto waruhusu watoto wenye  umri  mdogo  kuchota maji wala kuoga  katika eneo hilo kutokana na bwawa hilo kuwa na kina kirefu pamoja na toze nzito kitu ambacho kina kuwa hatarishi kwa watoto hao.

Aidha baadhi ya wakazi katika eneo hilo bw manyindo pamoja na victoria msakila wameiomba serikali ya mtaa huo kuweka uzio katika eneo hilo kwa lengo la kuzuia watoto wenye umri mdogo  kuto tumia bwawa hilo.